Амьдралын мод

Тэнгэр цуврал #19 

“Амьдралын мод”

Магадгүй, Бурхан хүн төрөлхтөнд үзүүлсэн анхны агуу өршөөл нь Адам, Евад Эдений цэцэрлэгээс хаалт тавьж, ”Тэр гараа сунган Амьдралын модны жимснээс авч идээд мөнхөд амьдрахыг нь зөвшөөрч болохгүй” гэж хэлсэн явдал байв. (Генезис 3:22, 24) Хэрвээ Бурхан ингэсэнгүй бол хүн төрөлхтөн мөнхөд нүгэлт байдалдаа “хаагдсан” хэвээр байх байсан… аймшигтай бодол.

Гайхалтай нь, Амьдралын Мод Илчлэлтийн номонд дахин гарч ирж, Эден буюу Диваажин ч мөн адил. Энэ удаад түүнийг херувим ч, дөлдсөн сэлэм ч Бурханы хүүхдүүдээс хамгаалж байхгүй.  Үүний эсрэгээр, бидэнд нэвтрэх эрх олгох үнэ цэнийг төлсөн тэр л Нэгэн бас “Ялагч хүнд Бурханы диваажинд буй Амьдралын модны жимснээс идэх эрхийг би өгөх болно” гэж хэлдэг. (Илчлэл 2:7)

Зарим хүмүүс Эдений цэцэрлэгийг энэ дэлхээс авч тэнгэрт зөөснөөс хойш ойролцоогоор 6000 жил өнгөрсөн тул АМЬДРЫН МОД магадгүй өсөж хөгжиж байгаа гэж таамаглаж байна. Аргагүй хараалд өртөх хоригийн хязгаарлалтад баригдахгүйгээр энэ мод Нью-Иерусалим хэмээх агуу хот даяар өсөж байгаа байж болох юм. Бид тэнд очиж үзэхгүй бол үнэндээ мэдэхгүй л болов уу гэж бодож байна.

Иохан Илчлэлтийн номын сүүлийн бүлэгт бичсэн нь: “Амьдралын гол (амьдралын усны гол)-ын хоёр эрэгт АМЬДРАЛЫН МОД… жил бүр арван хоёр удаа жимсээ өгч, сар бүр жимсээ өгдөг. Мөн түүний навч нь үндэстнүүдийн эдгэрэлтийн төлөө.“

Энд Илчлэлт 22-д амьдралын модыг дүрсэлсэн нь Хуучин Гэрээний Иезекиилийн зөгнөлтэй бараг адилхан юм: “Голын хоёр эрэгт төрөл бүрийн жимсний моднууд ургана. Тэдний навч нь хатахгүй, жимс нь дутахгүй. Учир нь ариун газраас урсах ус тэдэнд ирдэг. Тэдний жимс нь хоол болно, навч нь эм болно.” Иезекииль 47:12

Төсөөл дөө… сар бүр өөр жимс өгдөг мод… Тэнгэрийн жимс… Навчис нь ч гэсэн онцгой хүч, зорилготой. Энэ сүрлэг мод бол дэлхий дээрх бидний харж байсан ямар ч модоос ялгаатай.

Бурхан бидэнд Тэнгэрийн хотын ердөө хэдхэн дүр төрхийг л харуулсан… энэ нь бүх талаараа гайхамшигтай болохыг мэдэхэд л хангалттай… энд бидэнд тулгарч болох аливаа зовлонг тэсвэрлэх нь үнэ цэнэтэй болохыг мэдэхэд л хангалттай.

Найз минь, хэрвээ чи зүрхээ эрэн хайвал, дотор чинь ямар нэг таталт, гүнзгий хүсэл байгааг чи мэдрэх болно… ГЭР рүү… жинхэнэ гэр рүүгээ… гэхдээ энэ бол тэр биш. Биднийг Тэнгэр зориулан бүтээсэн, Тэнгэрийг бидэнд зориулан бүтээсэн. Энэ амьдрал бол ердөө нэг амьсгал төдий бөгөөд удахгүй дуусна.

Энд бидний зорилго бол боломжийнхоо хэрээр Бурханд аль болох ойртох… тэгээд Түүний элчээр дамжуулан бусдыг бидэнтэй хамт Тэнгэрт авчрах явдал юм.

Бидний Эцэг бидэнд бэлдсэн таашаалыг эдлэхэд бидэнд мөнх амьдрал байх болно. (Лук 12:32) Бурханы диваажинд буй амьдралын агуу мод нь тэр олон таашаалын ердөө нэг нь юм.

Амжилт хүсье, Майк